Нейромаркетинг + Хиймэл оюун: Тархи судлал дижитал сурталчилгааг яаж сайжруулж байгаа вэ?
Зарим сурталчилгааг чи шууд свайп хийхэд хүргэдэг шалтгаан бий. Заримыг нь чи үздэг - зүгээр нэг гял цалдаа биш, харин чамайг "тархиддаг". Учир нь тийм сурталчилгаа чамайг юунд саатдаг, юу анхаарлыг чинь татдаг, хамгийн чухал нь чамайг юунд хөтөлж байгаагаа сайн мэддэг.
Энэ бол санамсаргүй зүйл биш. Бас зүгээр ч нэг гоё бүтээлч ажил юм уу датанд суурилсан зорилтот хэрэглэгчээ онилох ажил биш юм. Энэ нь тархи судлалын шинжлэх ухаанд үндэслэсэн илүү гүнзгий зүйл юм. Одоо хиймэл оюун ухааны тусламжтайгаар энэ нь урьд өмнөхөөсөө илүү хурдан хөгжиж байна.
Дижитал сурталчилгааг зөвхөн үзэхэд биш бүр тархинд нь чиглүүлж байдаг нейромаркетингийн эрин үе эхэлжээ.
Итгүүлэх шинжлэх ухаан: чи яагаад дардаг вэ?
Уламжлалт зар сурталчилгаа нь зөн мэдрэмж, бүтээлч байдал, дараа нь A/B тест дээр тулгуурладаг байсан. Гэхдээ нейромаркетинг нь илүү өөр түвшинд ажилладаг:
- Хүмүүс яагаад зарим зургийг удаан хардаг вэ?
- Секундыг 1000 хуваасаны хэмжээст сэтгэл хөдлөлийг юу өдөөдөг вэ?
- Хүн өөрийн хариу үйлдлийг ухамсарлахаас өмнө тархи хэрхэн хариу үйлдэл үзүүлдэг вэ?
Хүмүүс манай зар сурталчилгааг хараад хичээнгүйлэн анхаарч уншдаг гэж боддог. Гэтэл тэгдэггүй. Тархи нь өнгө, хэлбэр, хөдөлгөөн, сэтгэл хөдлөл, хамаарал зэрэг далд ухамсарт хүчин зүйлсэд тулгуурлан 0.3 секундын дотор шууд шийддэг.
Томоохон брэндүүд үүнийг олон жилийн турш судалсан. Кока-Коланы лаазан дээрх усан дуслуудыг харах нь чамайг цангуулдаг гэдгийг тэд мэддэг. Apple-ын минималист загвар дизайн нь өндөр хүчин чадалтай, дээд зэргийн гэсэн мэдрэмжийг төрүүлдэг. Харин одоо хиймэл оюун ухааныг ашигладаг болсноор зар сурталчилгааны үр нөлөөг оновчтой болгохын тулд олон арван жилийн хэрэглэгчийн судалгаа хэрэггүй. ХОУ нь хүний тархи хэрхэн хариу үйлдэл үзүүлж байгааг нь үндэслээд зар сурталчилгааг бодит цаг хугацаанд туршиж, өөрчилж, тохируулж чаддаг.
NeuroMarketing Ai: Дижитал зар сурталчилгааны дүрмийг өөрчилж байна
ХОУ болон нейромаркетингийн хослол нь хүмүүсийг худалдан авахад нь залуурдахад биш, харин хүний зан төлвийг илүү гүнзгий түвшинд ойлгох явдал юм. ХОУ чиний хариу үйлдлийг урьдчилан таамаглахын тулд одоо нүүр царайны хувиралд анализ хийж, харааны төвлөрөлийг хэмжиж, тархины долгионыг бүртгэн судалж байна.
Томоохон брэндүүд үүнийг аль хэдийн ашиглаад эхэлсэн.
- Eye-Tracking AI: Tobii гэх мэт төхөөрөмжүүд ХОУ-г ашиглан үзэгчид зар сурталчилгааны хаана шууд анхаарал төвлөрч байгааг судлан шинжилж маркетерууд бүтээгдэхүүн байршуулалт, эрс тэс ялгарал, хөдөлгөөнийг нь оновчтой болгох боломжтой болж болж байна.
- Emotion AI: Affectiva зэрэг компаниуд нүүр царайны бичил илэрхийлэмжийг хэмжиж, тухайн сурталчилгаа нь сэтгэл хөдлөлийн хариу үйлдэл зөв эсэхийг тодорхойлдог.
- Predictive Personalization: ХОУ нь тухайн хүн түгшүүртэй, аз жаргалтай эсвэл сатаарсан эсэхийг тодорхойлж, тухайн мөчид хүний сэтгэл санааны байдалд тохирсон сурталчилгааг хүргэж чадна.
Аймшигтай, тийм үү? Гэхдээ энэ нь ажилладаг.
ХОУ-д суурилсан нейромаркетинг яагаад чухал вэ?
Нэг чухал хүчин зүйл нь: Биднийг дижитал зар сурталчилгаагаар бөмбөгдөж байна. Судалгаанаас харахад нэг хүн өдөрт дунджаар 6000-10000 сурталчилгаа хардаг. Ихэнхийг нь ерөөсөө анхаардаггүй. Бидний тархи тэдгээрийг зүгээр л гүйлгэн хардаг.
Гэхдээ ХОУ-д суурилсан нейромаркетинг нь зар сурталчилгааг харагдах боломжийг олгодог. Тийм сурталчилгаа хүчилсэн юм шиг харагддаггүй, харин хүний тархины мэдээлэл боловсруулах төрөлхийн үйл ажиллагаанд нь нийцэж харагддаг учраас тийм сурталчилгааг алгасах боломжгүй болдог.
Яг одоо өрнөж буй томоохон өөрчлөлтүүдээс:
Масс хэрэглэгчээс зан төлвийн түвшинд
Зах зээлийн хүн ам зүйн мэдээллийг март. Хэрэглэгчийн ерөнхий тодорхойлолтоос илүү ХОУ одоо зан төлвийн өгөгдлийг ашиглан өөр өөр зан араншинд нийцэх сэтгэл зүйн өдөөлтийг тодорхойлж чадна.
Бодит цагт дасан зохицох зарууд
Ухаалаг цагнаас чинь ирүүлсэн датанд үндэслэн стрессийн түвшингээр өөрчлөгддөг сурталчилгааг төсөөлөөд үз. Хэтэрхий хурдтай юу? Энэ ч гайгүй. Мэдрэмж хэмнэлтэй. Тийм учраас хөнгөлөлт урамшуулал хугацааны хязгаартай байдаг. Энэ бол шинжлэх ухааны уран зөгнөл биш - энэ нь аль хэдийн хөгжчихсөн.
Clickbait-ийн төгсгөл
ХОУ одоо сурталчилгаа цацахаас өмнө хүмүүст ямар сэтгэгдэл төрүүлэхийг урьдчилан таамаглах боломжтой. Брэндүүд сүртэй гарчиг, худлаа яаруулсан мессежийн оронд илүү гүн гүнзгий, жинхэнэ сэтгэл хөдлөлтэй холбогдоход анхаарах болсон.
Далд ухамсарт хандсан маркетинг
Зүрхний хэмнэл, харааны төвлөрөл зэрэг биометрик датаг хиймэл оюун ухаанаар боловсруулж, сурталчилгааг сошиал энгежмэнт авахаас илүүтэй далд ухамсрын түвшинд оновчлох болно. Шилдэг сурталчилгаа зүгээр ч нэг харагддаггүй, харин мэдрэгддэг.
Ёс суртахууны асуудал: Өөрийнхөө хэрэглээнд хэтэрхий ухаалаг уу?
Мэдээж хэрэг, хиймэл оюун ухаан бидний далд ухамсарт дүн шинжилгээ хийж байгаа нь тийм ч таатай санагдахгүй. Хэрэв хиймэл оюун ухаан бидний юу хүсч байгааг биднээс илүү мэдэх юм бол хүн байхын хэрэг хаана байна вэ?
Шөнө орой болж, сэтгэл санаа догдолж байх үеийн эгзэгт мөчид хиймэл оюун ухаан "зөвхөн нэг удаагийн" хямдрал урамшуулал хүсүүштэй юу? Брэндүүд сэтгэл хөдлөлийг удирдахын тулд хиймэл оюун ухаан ашиглахыг зөвшөөрөх ёстой юу, эсвэл хязгаарлах ёстой юу?
Бодит байдал дээр бид тэр хязгаарыг аль хэдийн давсан. Одоо бидний хийж чадах хамгийн зөв зүйл бол ил тод байдал, ёс зүйн удирдамж, нейромаркетингийн хиймэл оюуныг хэрхэн ашиглах талаархи хэрэглэгчийн хяналтыг сайжруулах явдал юм. Үүнийг хариуцлагатай ашигладаг брэндүүд хэрэглэгчийн итгэлийг олж авах болно. Буруу ашиглаж байгаа хүмүүс хариуцлага хүлээх болно.
Дижитал сурталчилгааны ирээдүйг дүгнэхэд
Маркетингийн эрин үеийн шилжилт явагдаж байна. Хиймэл оюун ухаан болон нейромаркетинг нь тоглоомын дүрмийг өөрчилж зүгээр нэг анхаарал татаад зогсохгүй ой дурсамж болон үлддэг сурталчилгаа хийх хэтийдсэн чадамжыг брэндүүдэд өгч байна.
Маркетеруудын хувьд энэ нь боломж бас сорилт юм. Тэдний сурсан зүйлс одоо үйлчлэхээ больсон. Хэрэв бид хиймэл оюун ухаанд тулгуурласан энэ эрин үед цаашид амьд үлдэхийг хүсч байвал сошиал энгежмэнт, click through rate (вэбийн товч даралтын) -ээс давж сэтгэх хэрэгтэй. Бид тархи судлаачид шиг бодох эхлэх хэрэгтэй.
Учир нь дижитал маркетингийн ирээдүй бол хүмүүсийн юу хүсч байгааг сонсохоос илүүтэй тэдний тархи юу хэлж байгааг мэдэх ирээдүй юм.
Орчуулсан
Далай Нейрокоуч
эх сурвалж: